കടുത്ത വരള്ച്ചയില് വലയുന്ന സോമാലിയ വന് മാനുഷിക ദുരന്തത്തിന്റെ വക്കിലാണെന്ന് എെക്യരാഷ്ട്രസഭ. സോമാലിയ, എത്യോപ്യ, എരിത്രിയ തുടങ്ങിയ രാജ്യങ്ങളില് നിന്ന് എത്തിയവരെക്കൊണ്ട് കെനിയയിലെ ദാദാബ് അഭയാര്ത്ഥി ക്യാമ്പ് നിറഞ്ഞു കവിഞ്ഞിരിക്കുകയാണെന്ന് അഭയാര്ത്ഥികള്ക്കുള്ള യു.എന് കമ്മീഷന് തലവന് അന്റോണിയോ ഗുതെറസ് പറഞ്ഞു. ക്യാമ്പ് സന്ദര്ശിച്ച ശേഷം മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
380,000 പേരാണ് ദാദാബിലുള്ളത്. ഇന്ന് ലോകത്തിലെ ഏറ്റവും വലിയ മാനുഷിക ദുരന്തം സോമാലിയ തന്നെയാണ്. ഇത്രമാത്രം ദുരിതമനുഭവിക്കുന്ന ഒരു അഭയാര്ത്ഥി ക്യാമ്പും ഇതുവരെ കണ്ടിട്ടില്ല. പട്ടിണിയെ തുടര്ന്ന് മൂന്ന് കുട്ടികളെ നഷ്ടപ്പെട്ട ഒരു അമ്മയെ കാണാനിടയായി. ക്യാമ്പിലുള്ളവരെല്ലാം കടുത്ത ദാരിദ്രyം അനുഭവിക്കുന്നവരാണ്. ഹൃദയഭേദകമാണ് അവിടുത്തെ കാഴ്ചഅദ്ദേഹം വിവരിച്ചു.
ലോക ഭക്ഷ്യ പദ്ധതി കണക്കു പ്രകാരം മേഖലയിലെ ഒരു കോടി ആളുകള് അടിയന്തര സഹായം അര്ഹിക്കുന്നു. 20 ലക്ഷം കുട്ടികള് പോഷകക്കുറവ് അനുഭവിക്കുന്നുണ്ടെന്നാണ് കണക്ക്. കുട്ടികളും സ്ത്രീകളുമടക്കം പതിനായിരങ്ങളാണ് ഭക്ഷണവും വെള്ളവും കിട്ടാതെ അലയുന്നത്. പലരും സഊദി അറേബ്യ അടക്കമുള്ള രാജ്യങ്ങളിലേക്ക് കുടിയേറാന് ശ്രമിക്കുന്നു. പോഷകക്കുറവു കാരണം കുട്ടികളില് ത്വക്ക് രോഗങ്ങള് വര്ദ്ധിച്ചതായി ഡോ. മില്ഹിയ അബ്ദുല് ഖാദര് പറഞ്ഞു. അഭയാര്ത്ഥി ക്യാമ്പിലെത്തുന്ന ഭൂരിഭാഗം പേരുടെയും ആരോഗ്യ സ്ഥിതി പരിതാപകരാണ്.
ദാദാബ് അഭയാര്ത്ഥി ക്യാമ്പിലെ സ്വീകരണ കേന്ദ്രത്തിന് മുന്നില് ആയിരങ്ങളാണ് കാത്തു കിടക്കുന്നത്. ഇവരില് ഏറെപ്പേരും ആഴ്ചകളായി ഭക്ഷണം കഴിച്ചിട്ട്. കൂടാതെ ഏറെ ദൂരം യാത്ര ചെയ്താണ് അവര് ക്യാമ്പില് എത്തിയിരിക്കുന്നത്. എെക്യരാഷ്ട്ര സഭ നല്കിയ പ്ലാസ്റ്റിക് ഷീറ്റുകള് മേല്ക്കൂരയാക്കി മരക്കൊമ്പുകള് കൊണ്ടുണ്ടാക്കിയ നിരവധി താല്ക്കാലിക തമ്പുകള് ക്യാമ്പിന് പുറത്ത് ഉയര്ന്നിട്ടുണ്ട്. ഇവരെല്ലാം രജിസ്റ്റര് ചെയ്തവരാണെങ്കിലും ക്യാമ്പുകളില് സ്ഥലമില്ലാത്തതുകൊണ്ട് പുറത്തു നില്ക്കേണ്ടിവരുന്നു.
ഓരോ ദിവസവും എത്തിക്കൊണ്ടിരിക്കുന്ന ജനക്കൂട്ടത്തിന് വേണ്ടത്ര ഭക്ഷണവും മരുന്നും നല്കാനാവാതെ യു.എന് ദുരിതാശ്വാസ പ്രവര്ത്തകര് പ്രയാസപ്പെടുകയാണ്.
ഇതൊക്കെ വായിച്ചാലും, എന്തൊക്കെ ദുരിതം കണ്ടാലും കണ്ണ് തുറക്കാന്, ഒന്ന് നെടുവീര്പ്പിടാന് പോലും നമുക്ക് സമയമില്ല. വികസിത-വികസ്വര രാഷ്ട്രങ്ങള് ഒരു നേരം പാഴാക്കുന്ന ഭക്ഷണം മതിയാകും ഈ രാജ്യത്തിന്റെ ഒരു ദിവസത്തെ പട്ടിണി മാറാന്.... ഓരോ വറ്റ് കളയുമ്പോഴും ഓര്ക്കുക, ഞാനും നിങ്ങളും ചെയ്യുന്ന പാപത്തിന്റെ ആഴം...
No comments:
Post a Comment